Donald Trump Bandaríkjaforseti lýsti árásinni sem grandaði ír­anska hers­höfðingj­an­um Qa­sem Soleimani í smáatriðum á lokuðum fundi Repúblikanaflokksins í gærkvöldi. Drónaárás var gerð á bílalest Soleimani 3. janúar þegar hann var að leggja upp frá alþjóðaflug­vell­in­um í Bagdad, höfuðborg Íraks.

Trump sagði að Soleimani hefði átt skilið að deyja og sagði að íranski herforinginn hefði „sagt slæma hluti“ um Bandaríkin.

„Hversu mikið kjaftæði þarf ég að hlusta á?“ spurði Trump þar sem hann lýsti því að Soleimani hefði ráðgert að ráðast á Bandaríkin.

Samkvæmt fjölmiðlum vestanhafs talaði forsetinn ekki um það að Bandaríkin væru að bregðast við yfirvofandi árás, eins og þarlendir ráðamenn gerðu eftir að Soleimani var felldur. 

Tengdar fréttir

Soleimani ráðinn af dögum

Dráp Soleimani ólögmætt

• Segjast hafa skotið gervihnetti á braut um jörðu
• 109 hermenn fengu heilahristing í árásum Írana
• Tugir hlutu heilaáverka í árás Írana
• Hvetur þjóðina til að sýna samstöðu

» Fleiri tengdar fréttir

• Blogga um frétt