Fjöldi þeirra sem eru alvarlega veikir sökum kórónaveiru hefur nær tvöfaldast frá í gær. Samkvæmt skýrslu Alþjóðaheilbrigðismálastofnunarinnar WHO um stöðu mála í dag, 24. janúar, hafa 830 smit verið staðfest og eru þar af 177 alvarlega veikir. 

Fjöldi veikra jókst um 265 frá í gær, en þá var fjöldi þeirra sem voru alvarlega veikir aðeins 95. Staðfest hefur verið að 25 hafi látist af völdum veirunnar.

Samkvæmt skýrslu WHO renna ný gögn enn frekari stoðum undir að veiran smitist á milli manna, en einn þeirra veiku sem greinst hafa í Víetnam hefur aldrei ferðast til Kína. Sá virðist hins vegar hafa smitast af ættingja sem hafði verið í Wuhan og er veikur af kórónaveiru.

SARS-veiran smitaðist manna á milli með snertingu eða úða eða dropum sem verða til við hósta eða hnerra og má leiða líkum að því að nýja kórónaveiran berist með svipuðum hætti.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt