Xi Jinping forseti Kína segir að landið sé í „alvarlegri stöðu“ vegna aukins hraða í útbreiðslu kórónaveirunnar frá Wuhan, sem um 1.300 manns í landinu hafa greinst með til þessa samkvæmt nýjustu opinberum tölum. Hann segist þó fullviss um að Kínverjar muni geta haft betur í „bardaganum“ við veiruna.

Xi ávarpaði Politburo, stjórnmálaráð kínverska kommúnistaflokksins, vegna málsins í dag og greina kínverskir ríkisfjölmiðlar frá því að forsetinn hafi sagt að svo lengi sem Kínverjar hefðu sjálfstraust, samvinnu, vísindalegar lausnir og nákvæma stefnu að leiðarljósi myndi bardaginn gegn veirunni vinnast.

Frétt af mbl.is

Ferðafrelsi 56 milljóna heft vegna veirunnar

Fimmtíu og sex milljónir borgara hið minnsta sæta ferðatakmörkunum í Hubei-héraði um miðbik Kína. Í stórborginni Wuhan, þar sem veiran er upprunnin, verður almenningi ekki leyft að aka um götur borgarinnar á morgun, samkvæmt frétt AFP.

Um 1.300 manns í Kína hafa greinst með veiruna til þessa samkvæmt nýjustu opinberum tölum. AFP

Neyðarástandi lýst yfir í Hong Kong

Í Hong Kong var neyðarástandi lýst yfir fyrr í dag vegna útbreiðslu veirunnar. Fimm hafa greinst með veiruna þar, þar af fjórir sem komu með nýrri hraðlest frá meginlandi Kína.

Carrie Lam, ríkisstjóri Hong Kong, segir að skólar í borginni, jafnt barnaskólar sem háskólar, verði lokaðir allt til 17. febrúar, en frí er í skólum þessa dagana vegna kínverska nýársins, en ár rottunnar gengur í garð í dag, 25. janúar.

Frá Hong Kong í dag. Þeir sem þar fagna ári rottunnar eru flestir með grímur fyrir vitum. AFP

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt