Indónesíska flugfélagið Lion Air, sem hefur yfir að ráða stærsta flugvélaflota í Suðaustur-Asíu, ætlar að aflýsa flugferðum til og frá Kína vegna kórónaveirunnar.

„Öllum flugferðum til Kína verður hætt tímabundið frá og með 1. febrúar,“ sagði Danang Mandala Prihantoro, talsmaður flugfélagsins, við AFP-fréttastofuna.

Lion Air ferðast til fimmtán kínverskra borga og hefur þessi ákvörðun því töluverð áhrif hjá flugfélaginu.

Meira en ein milljón kínverskra ferðamanna heimsækir Indónesíu á hverju ári og tugir þúsunda koma einnig til landsins til að vinna.

Lion Air fetar þar með í fótspor British Airways sem hefur einnig ákveðið að hætta flugferðum til og frá Kína.

Frétt af mbl.is

Aflýsa öllu flugi til og frá Kína

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt