Ekki um kórónasmit að ræða í skemmtiferðaskipi

Tveir kínverskir farþegar ítalsks skemmtiferðaskips sem haldið hefur verið í einangrun eftir að grunur lék á þeir hefðu smitast af kórónaveirunni reyndust ekki vera með veiruna eftir allt saman. Frá þessu greina ítölsk heilbrigðisyfirvöld.

Frétt af mbl.is

Grunur um kórónatilfelli í skemmtiferðaskipi

Yfir sex þúsund ferðamenn voru kyrr­sett­ir á skemmti­ferðaskipinu Costa Smeralda við höfn í strand­bæn­um Ci­vita­vecchia, norðvest­ur af Róm, fyrr í dag. 

Farþegarnir, ásamt 1.000 manna áhöfn, hafa nú fengið leyfi til að fara frá borði. 

Fyrirtækið sem rekur skemmtiferðaskipið, Costa Cruises, hefur samt sem áður gripið til ráðstafana vegna kórónaveirunnar og aflýst brottförum skipa sinna frá kínverskum höfnum sem áttu að sigla í næstu viku. MSC Cruises hefur gripið til sömu aðgerða.

• Blogga um frétt