Þegar klukkan sló ellefu gekk Bretland formlega úr Evrópusambandinu hvar landið hefur verið í tæpa hálfa öld. Mikil hátíðarhöld hafa verið í miðborg London, bresku höfuðborgarinnar, í kvöld og er gríðarlegur mannfjöldi þar saman kominn. Útgöngunni úr sambandinu hefur að sama skapi verið fagnað víða um Bretland.

AFP

Við tekur aðlögunartímabil fram að næstu áramótum þar sem Bretland verður áfram hluti af innri markaði Evrópusambandsins og tollabandalagi þess. Tíminn verður notaður til þess að freista þess að semja um viðskiptasamning á milli sambandsins og Bretlands.

AFP

Hvort tekst að semja um viðskiptasamning á eftir að koma í ljós en Evrópusambandið hefur lýst því yfir að það telji ólíklegt að það takist fyrir áramót og hvatt Boris Johnson, forsætisráðherra Bretlands, til þess að óska eftir framlengingu á aðlögunartímabilinu sem hann hefur alfarið hafnað. Frekar verði Bretland án viðskiptasamnings.

AFP

Johnson ítrekaði þessa afstöðu í ávarpi til bresku þjóðarinnar í kvöld. Hann væri sannfærður um að útgangan úr Evrópusambandinu yrði bresku þjóðinni til farsældar þótt einhverjar hnrökrar yrðu sjálfsagt á þeirri leið. Nú væri komið að því að nýta þau tækifæri sem útgangan skapaði til fulls í þágu Bretlands og bresku þjóðarinnar.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Heppnist Brexit er úti um ESB