Yfir 250 látnir af völdum veirunnar
Setja bókamerki
/frimg/1/35/4/1350480.jpg)
Yfir 250 manns eru látnir af völdum kórónaveirunnar og næstum 12 þúsund manns eru smitaðir.
Heilbrigðisyfirvöld í Kína greindu frá því að 46 til viðbótar hefðu látist af völdum veirunnar, sem á upptök sín í borginni Wuhan. Allir nema einn létust í kínverska héraðinu Hubei.
Einnig var tilkynnt um að 2.102 til viðbótar hefðu smitast.
Samkvæmt heilbrigðisyfirvöldum hafa 259 látist af völdum veirunnar.
Mun fleiri hafa smitast af kórónaveirunni heldur en SARS-veirunni sem braust út á árunum 2002 til 2003. 774 létust af völdum hennar víðs vegar um heiminn, flestir í Kína eða Hong Kong.
Mikill viðbúnaður er víða um heim vegna kórónaveirunnar og hafa Bandaríkin og Ástralía bæst við lista þeirra þjóða sem hafa ákveðið að setja á ferðabann vegna hennar.
Fólk í Bretlandi, Rússlandi og Svíþjóð hefur m.a. smitast af veirunni.
Stúlkan enn í lífshættu
Kallar eftir ítarlegri rannsókn á hræðilegu slysi
Leit hafin á jöklinum – Nærri 70 taka þátt
Á þriðja hundrað manns komu að aðgerðum
Ekki búið að bera kennsl á hinn látna
Áberandi mökkur: „Sambland af gasi og gróðureldum“