Vonir standa til að greint verði frá úrslitum úr forvali demó­krata í Iowa fyr­ir for­seta­kosn­ing­arn­ar að ári síðar í dag. Miklar tafir hafa orðið á birtingu úrslita vegna bilana í snjallforriti sem átti að halda utan um talninguna.

Vel er fylgst með niður­stöðunni í Iowa þar sem hún þykir segja til um hver verði for­setafram­bjóðandi flokks­ins en forvalið er haldið á tæp­lega 1.700 stöðum.

Frétt af mbl.is

Tafir og glundroði í Iowa

Fulltrúar Demókrataflokksins sögðu að um tæknilega örðugleika væri að ræða og niðurstöðurnar væru væntanlegar síðar í dag.

Einhverjir frambjóðendur hafa lýst yfir sigri þrátt fyrir að ekki sé búið að birta tölurnar. Þeirra á meðal er Bernie Sanders sem kveðst hafa 28,62% atkvæða en Pete Buttigieg sé með 25,71%.

Buttigieg, borg­ar­stjóri South Bend í Indi­ana-ríki, sagði hins vegar stuðningsmönnum sínum að allt liti út fyrir að hann færi sigri hrósandi í næsta forval, í New Hampshire.

Alls keppast ellefu frambjóðendur um að hljóta útnefningu sem  forsetaframbjóðandi Demókrataflokksins í forvalinu. Í Morg­un­blaðinu í síðustu viku kom fram að Joe Biden og Sand­ers hafa mælst að und­an­förnu með á bil­inu 22-25% fylgi í Iowa. Auk þeirra þykir öldungadeildarþingmaðurinn El­iza­beth War­ren líkleg til árangurs.

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• Blogga um frétt