Trump segist vera eini sigurvegari kvöldsins
Setja bókamerki
Það hlakkaði í Donald Trump Bandaríkjaforseta þegar tíðindi bárust af miklum töfum við birtingu úrslita úr forvali demókrata í ríkinu Iowa vegna forsetakosninganna í nóvember.
Hann sagði að stórslys hefði átt sér stað. „Ekkert gengur upp, alveg eins og þegar þeir stjórnuðu landinu,“ tísti Trump.
Trump vann sjálfur auðveldlega í forvali repúblikana með 97% atkvæða. „Eina manneskjan sem getur lýst yfir stórum sigri í Iowa í gærkvöldi er „Trump“.“
Meira en sextán klukkustundum eftir að kjósendur mættu í kjörklefann í gærkvöldi eru niðurstöðurnar í forvali demókrata óbirtar. Fyrstu tölur eru væntanlegar klukkan 22 í kvöld.
Vel er fylgst með niðurstöðunni í Iowa þar sem hún þykir segja til um hver verði forsetaframbjóðandi Demókrataflokksins en forvalið er haldið á tæplega 1.700 stöðum.
Viðurkennir ábyrgð og segir af sér
„Sársauki okkar er nístandi“
„Ég hef verið kjaftaskur mikill“
Ráðast í átak eftir smitið á Mánagarði
Íbúar komnir heim á ný
Þykir gott að flóðin féllu
MDE: Brotið á Jóhannesi í BK-44 máli
„Þetta er ógnvænleg staða“