Romney úthrópaður af flokksfélögum
Setja bókamerki
Mitt Romney, repúblikani og öldungadeildarþingmaður á Bandaríkjaþingi, hefur verið harðlega gagnrýndur af flokksfélögum sínum eftir að hann greiddi atkvæði með því að Donald Trump, forseti Bandaríkjanna, yrði sakfelldur fyrir misbeitingu valds. BBC greinir frá.
Romney hefur verið úthrópaður sem tapsár og leynidemókrati, meðal annars af forsetanum sjálfum, en hann tapaði í forvali fyrir forsetakosningar í Repúblikanaflokknum árið 2012.
Trump var sýknaður í öldungadeildinni í gær, en Romney var eini repúblikaninn sem greiddi atkvæði með sakfellingu. Með því skráði hann sig í sögubækurnar sem fyrsti bandaríski þingmaðurinn sem greiðir atkvæði með því að forseti úr eigin flokki víki úr embætti.
Áhrifafólk innan Repúblikanaflokksins hefur sagt að Romney eigi að hverfa úr flokknum. Einn lét hafa eftir sér að gerði hann það ekki sjálfur myndi myndi hann flytja til Utah, sem er kjördæmi Romney, og fara gegn honum í næstu kosningum.
Það eru þó ekki allir flokksfélagar Romney jafn gagnrýnir á gjörðir hans. Þingmaðurinn Mitch McConnell var til að mynda spurður hvort honum yrði úthýst úr flokknum. Hann svaraði því til að það væru engir hundakofar í flokknum. Mikilvægasta atkvæðið væri alltaf það næsta.
„Forsetinn er sekur um að misnota traust almennings á grófan hátt,“ sagði Romney í ræðu sem hann hélt í öldungadeildinni. „Það að spilla kosningum til að halda sér í embætti er mögulega mesta brot sem hægt er að fremja í embætti,“ sagði hann jafnframt.
Joe Biden: Slakur námsmaður sem varð forseti
Hefur tryggt sér stuðning nógu margra kjörmanna
Myndskeið: Rýkur úr sprungu sem klýfur Hagafell
„Það er stutt á milli stórra atburða“
Biden dregur framboð sitt til baka
Brotin eftir greiningarferlið
„Þau eru ónæm fyrir alvarleika málsins“
„Það er þá bara alltaf orðrómur“