Kórónuveiran er „alvarleg og yfirvofandi ógn“ við almannaheill að mati bresku ríkisstjórnarinnar sem sendi frá sér yfirlýsingu þess efnis í morgun. 

Stjórnvöld hyggjast grípa til frekari aðgerða til að sporna gegn útbreiðslu veirunnar. Það getur meðal annars falist í skertu ferðafrelsi og að fólk verði skikkað í sóttkví. 

Fjöldi lát­inna af völd­um kór­ónu­veirunn­ar 2019-nCOV er kom­inn upp í 910 og yfir 40 þúsund eru smitaðir, langflestir í Kína. 

Frétt af mbl.is

Gærdagurinn sá mannskæðasti

Matt Hancock, heilbrigðisráðherra Bretlands, greindi frá því í morgun að einn spítali og tvær aðrar byggingar hafi verið hugsaðar sem sóttvarnamiðstöðvar, komi til þess að útbúa verði slíkar. 

Tveimur flugvélum fullum af farþegum hefur verið flogið frá kínversku borginni Wuhan, þar sem veiran á upptök sín, til Bretlands. Flogið var með 200 farþega í gær. 

Fjórir hafa greinst með kórónuveiruna í Bretlandi. 

„Við erum að herða regluverkið í þeim tilgangi að geta haldið einstaklingum í einangrun í öryggisskyni og ef heilbrigðisstarfsmenn telja að þeir séu í hættu á að smita almenning. Þetta auðveldar okkur að tryggja öryggi allra í landinu,“ segir talsmaður heilbrigðisráðuneytisins.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt