Ástarbátur: Valentínusardagur í sóttkví
Setja bókamerki
/frimg/1/35/4/1350480.jpg)
Skemmtanastjóri Diamond Princess, sendi frá sér hjartnæm skilaboð á Twitter, klædd rauðum kjól í tilefni Valentínusardagsins.
Skemmtiferðaskipið er í sóttkví við strendur Japans vegna kórónuveirunnar COVID-19 en yfir 200 farþegar hafa greinst með hana.
„Mig langaði bara að athuga með stöðuna á öllum og segja að við látum ekki deigan síga, okkur líður vel og höldum saman eins og stór fjölskylda,“ sagði hún og bætti brosandi við: „Þetta hefur ekki verið minn hefðbundni klæðnaður síðustu vikuna eða hér um bil.“
Matt Smith sem er 57 ára, heldur upp á Valentínusardaginn um borð í skipinu ásamt eiginkonu sinni til 21 árs, Katherine Codekas, einnig 57 ára. Hann viðurkennir að hann hefði viljað vera annars staðar á þessum degi. „Eftir 21 árs hjónaband gerum við ekki mikið mál úr þessu [Valentínusardeginum] en venjulega fær Katherine kort frá mér, að minnsta kosti.“
„Við erum frekar leið yfir þessum kringumstæðum,“ bætti hann við í samtali við AFP. „Facebook minnti okkur á það í morgun að fyrir þremur árum vorum við í Las Vegas. Þetta kallar maður að strá salti í sárin!“
Að sögn Smith var farþegum boðinn svokallaður Valentínusar-morgunverður og í kvöld verður boðið upp á ýmislegt góðgæti, þar á meðal franska réttinn Coq au Vin með kartöflumús og grænmeti, ásamt óvæntum eftirrétti í tilefni dagsins.
„Coq au Vin, já takk,“ tísti Yardley Wong, sem hefur sett inn margar færslur á Twitter um veru sína á skipinu og tilraunir til að hafa ofan af fyrir syni sínum.
Matreiðslufólkið á skipinu lætur ástandið ekki á sig fá og setti í morgun myndskeið á Twitter þar sem það dansa í eldhúsinu, væntanlega til að gleyma.
Þessi maður setti inn færslu um tengdamóður sína sem er að föndra í tilefni dagsins um borð í skipinu:
Þorvaldur: Óvenjulegt gos að ýmsu leyti
Dýr og ómarkviss tekjuöflun
Leggur til samræmd próf í skólum Reykjavíkur
Reyna að átta sig á tengslum fólksins og tímalínunni
Leit hafin á jöklinum – Nærri 70 taka þátt
Tveir kvikustrókar stærstir
Stúlkan enn í lífshættu