Áttræður kínverskur maður, sem var á ferðalagi í Frakklandi, er látinn af völdum kórónuveirunnar, COVID-19. Er þetta fyrsta staðfesta dauðsfallið af völdum veirunnar utan Asíu. Þetta staðfesti Anes Byzyn, heilbrigðisráðherra Frakklands.

Um 65.000 tilfelli veirunnar hafa nú verið staðfest og er tala látinna komin yfir 1.500. Af þeim hafa aðeins fjögur verið utan meginlands Kína, á Filippseyjum, í Hong Kong og Japan, auk dauðsfallsins í Frakklandi. 

Frétt af mbl.is

1.519 látnir af völdum kórónuveirunnar

Um 1.700 kínverskir læknar hafa smitast af veirunni, en aðbúnaður á sjúkrahúsum er víða óviðunandi. Einn þeirra er Yu Yajie, læknir á sjúkrahúsi í borginni Wuhan, þar sem kórónuveiran á upptök sín. Í samtali við New York Times segir hann að læknar notist við tættar andlitsgrímur, þurfi reglulega að endurnýta gleraugu sem ætlað er að vera einnota og hylji skó sína með plastpokum þar sem sérhæfðari aðbúnaður sé ekki til staðar.

Tveir kínverskir bloggarar sem höfðu deilt tugum myndbanda frá Wuhan, þar sem þeir gagnrýndu viðbrögð kínverskra stjórnvalda hurfu sporlaust í síðustu viku og bætast þeir á langan lista fólks sem jörðin hefur gleypt eftir að það hefur gagnrýnt stjórnvöld þar í landi.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt