Landamærum Danmerkur verður lokað að hluta eða öllu leyti frá og með hádegi á morgun til að hefta útbreiðslu kórónuveirunnar þar í landi. Mette Frederiksen, forsætisráðherra Danmerkur, tilkynnti þessa ákvörðun stjórnvalda á blaðamannafundi rétt í þessu. 

Flugsamgöngur verða takmarkaðar sem og bíla- og lestaumferð við landamærin með örfáum undantekningum. Lokunin gildir í fjórar vikur eða til 13. apríl næstkomandi. Lokunin mun ekki hafa áhrif á fraktflutninga og áfram verður hægt að flytja inn nauðsynleg matvæli, lyf og nauðsynjavörur. 

Mette segir að landsmenn megi búast við því að danski herinn standi vörð við landamærin. „Auðvitað ber lögreglan ábyrgð á eftirlitinu en herinn tekur þátt í því,“ segir Mette. 

Lokunin gildir í einn mánuð, til 13. apríl, fylgir henni stöðvun flug-, ferju- og lestaumferðar. „Við erum á óplægðum akri. Við upplifum aðstæður sem ekkert okkar hefur reynt áður,“ sagði ráðherra, „ég þykist þess fullviss að við komumst gegnum þetta í sameiningu. Ég geri mér ljóst að þetta eru örþrifaráð og upplifast sem slík, en ég er sannfærð um að þetta er þess virði.“

Frétt af mbl.is

Kórónuveiran komin til Danmerkur

Öllum aðvífandi verður vísað frá landinu nema þeir geti sýnt fram á að þeir eigi þangað mjög brýnt erindi. Meðal brýnna erinda telst að viðkomandi starfi eða búi í landinu, útskýrði Nick Hækkerup dómsmálaráðherra á fundinum.

Eins letja dönsk yfirvöld þegna sína mjög til allra óþarfra ferða út fyrir landið, enda hafa þau sett allan heiminn á rauðgult hættustig.

„Skilaboðin til dönsku þjóðarinnar eru skýr, einföld og alvarleg: Engin ferðalög nema alvarleg nauðsyn knýi. Þeir sem eru þegar staddir erlendis skulu leita heim sem bráðast,“ sagði Jeppe Kofod utanríkisráðherra og tók það fram að orðum hans væri beint til þeirra Dana sem væru erlendis á ferðalögum, ekki þeirra sem byggju utan Danmerkur.

Fyrsta til­felli kór­ónu­veirunn­ar greindist í Danmörku 27. febrúar, degi áður en fyrsta tilfellið greindist hér á landi. Smitið má rekja til skíðasvæðis í norður­hluta Ítal­íu. 788 tilfelli kórónuveirunnar hafa verið staðfest en ekkert dauðsfall. Einn hefur náð fullum bata samkvæmt tölfræðiupplýsingum frá fræðimönnum við Johns Hopkins-háskóla.

Frétt DR

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Torfi Kristján Stefánsson: Hægri kratinn að sýna hversu harðir kratarnir geta verið!
• Jónatan Karlsson: Íslenska aðferðin.