Ferðabann Trumps tekur gildi
Setja bókamerki
Ferðabannið sem Donald Trump setti á 26 þjóðir Evrópu til Bandaríkjanna, þar á meðal Ísland, hefur tekið gildi. Tilgangurinn er að koma í veg fyrir frekari útbreiðslu kórónuveirunnar.
Trump lýsti í gær yfir neyðarástandi vegna veirunnar. Næstum tvö þúsund tilfelli hafa greinst í Bandaríkjunum og 43 hafa látið lífið.
Ef litið er á stöðuna í öðrum löndum vegna veirunnar þá hefur Nýja-Sjáland ákveðið að allir þeir sem koma til landsins frá og með miðnætti á sunnudag verði að fara í sóttkví í fjórtán daga.
Í Ástralíu er fjöldi tilfella kominn í 200 og þar hafa þrír látist, að sögn BBC.
Í Suður-Kóreu var greint frá því að fleira fólk hefði jafnað sig af veirunni (204) heldur en fólk sem smitaðist. Þetta er annar dagurinn í röð sem þetta gerist þar í landi.
Heimildir innan ríkisstjórnar Bretlands herma að samkomubanni verði komið á um næstu helgi.
Kólumbía ætlar að loka landamærum sínum við Venesúela. Í Kína hefur dregið úr fjölda tilfella kórónuveirunnar og lætur hún í staðinn mest að sér kveða í Evrópu.
Pútín reynir allt til að forðast aðra herkvaðningu
Ekki vandamál að vera karlmaður
Sólveig Anna furðar sig á aðferðum kennara
Hópur fólks reyndi að komast að eldgosinu
Þarf að koma til móts við ólíkar þarfir lækna
/frimg/1/53/8/1530844.jpg)
Myndir: Náttúrulegur þröskuldur að taka við
Nýtt fangelsi í landi Stóra-Hrauns tilbúið 2028