Dönsk heilbrigðisyfirvöld staðfestu fyrsta dauðsfall í Danmörku af völdum kórónuveirunnar síðdegis. 

81 árs gamall einstaklingur lét lífið á Herlev og Gentofte-sjúkrahúsinu í úthverfi Kaupmannahafnar. Hann var lagður inn á spítalann vegna undirliggjandi veikinda en sýndi einkenni COVID-19, sjúkdómsins sem kórónuveiran veldur, á meðan hann lá inni. Við sýnatöku kom í ljós að sjúklingurinn var sýktur af veirunni. 

Frétt af mbl.is

Danir loka landamærum

Fréttaritari DR í heilbrigðismálum segir það ekki koma á óvart að fyrsta dauðsfallið af völdum kórónuveirunnar hafi verið staðfest. Fyrsta til­felli ­veirunn­ar greind­ist í Dan­mörku 27. fe­brú­ar, degi áður en fyrsta til­fellið greind­ist hér á landi. Smitið má rekja til skíðasvæðis á norður­hluta Ítal­íu. 836 til­felli kór­ónu­veirunn­ar hafa verið staðfest í Danmörku.

Yfir 150.000 tilfelli hafa greinst í heiminum og 5.614 látið lífið. Kórónuveirufaraldurinn, sem skilgreindur er sem heimsfaraldur af Alþjóðaheilbrigðismálastofnuninni, er í rénun í Asíu en enn að breiðast hratt út í Evrópu, til að mynda á Ítalíu, Spáni, Frakklandi og Bretlandi. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt