Neita að hafa hunsað íslensk yfirvöld
Setja bókamerki
Yfirvöld í Tíról í Austurríki vísa á bug gagnrýni þess efnis að þau hafi ekki hlustað á íslensk yfirvöld um að þar væri útbreitt kórónuveirusmit.
Skíðabærinn Ischgl er í Tíról, en bærinn var snemma skilgreindur áhættusvæði af íslenskum yfirvöldum vegna fjölda Íslendinga, og raunar fleiri Norðurlandabúa, sem greindust með kórónuveirusmit eftir að hafa verið þar á skíðum.
Yfirvöld í Tíról hafa verið harðlega gagnrýnd fyrir aðgerðaleysi, en þar er nú minnst tíu skíðakennurum haldið í sóttkví. Yfirmaður heilbrigðismála í Tíról segir ekki rétt að yfirvöld hafi hunsað ábendingar frá Íslandi. Þvert á móti hafi yfirvöld ávallt gripið til fullnægjandi aðgerða þegar ítarlegar upplýsingar lágu fyrir.
Þannig hafi yfirvöldum borist upplýsingar frá Íslandi 6. mars og að í framhaldinu hafi starfsfólk á gististöðum 15 Íslendinga verið skimað, en niðurstöðurnar allar verið neikvæðar.
Í varúðarskyni hafi einnig verið skimað eftir veirunni meðal starfsfólks nálægra veitingahúsa og þar hafi veiran greinst í þýskum barþjóni. Þremur dögum síðar hafi barnum verið lokað og síðan öllum veitingastöðum sem vinsælir hafi verið hjá ferðamönnum frá Norðurlöndunum. Viku síðar var öllu skíðasvæðinu lokað.
Heimildarmenn tala um hápólitískt drama
Formaðurinn útilokar ekki undirritun í kvöld
Dæla, kæla og verja mikilvæg mannvirki
Rannsókn á menningarnæturmáli lokið
Koma fyrstu tölur á sunnudagskvöldið?
Létu lofthræðsluna ekki á sig fá
Ekki hægt að slá gosið út af borðinu strax