Bandarísk yfirvöld hafa samþykkt notkun lyfs sem hefur verið notað gegn malaríu, chloroquine, í meðferðarskyni gegn kórónuveirunni.

Þetta sagði Donald Trump Bandaríkjaforseti á blaðamannafundi.

„Við ætlum að sjá til þess að þetta lyf verði fáanlegt mjög fljótlega og FDA [bandaríska lyfjaeftirlitið] hefur staðið sig vel hvað þetta varðar,“ sagði Trump.

Hægt verður að fá kaupa lyfið gegn lyfseðli, að sögn Trumps. 

Gagnrýndi Kínverja 

Forsetinn sagði á fundinum að heimurinn þyrfti að „gjalda dýru verði“ skort Kínverja á gagnsæi þegar faraldurinn tók að breiðast út fyrir þó nokkrum mánuðum.

„Það hefði verið miklu betra ef við hefðum vitað um þetta nokkrum mánuðum fyrr,“ sagði hann.

„Það hefði verið hægt að halda þessu á einu svæði í Kína þar sem þetta hófst. Heimurinn er svo sannarlega að gjalda það dýru verði sem þeir gerðu.“

Um 10 þúsund manns hafa greinst með kórónuveiruna í Bandaríkjunum og yfir 150 látist.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Sigurður Valgarður Bjarnason: Magnil