„Ég get ekki þakkað þeim nógsamlega. Ég á þeim líf mitt að launa,“ segir Boris Johnson, forsætisráðherra Bretlands, sem stendur í þakkarskuld við starfsmenn breska heilbrigðiskerfisins. 

Johnson er enn á St Thomas'-spítalanum í Lundúnum en hann var útskrifaður af gjörgæslu á skírdag. Hann var greindur með kórónuveiruna 27. mars og var lagður inn á spítala síðasta sunnudag. Þetta verður því sjöunda nóttin hans á spítalanum. 

Í stuttri yfirlýsingu þakkar hann þeim sem hafa annast hann sem og fyrir allar kveðjurnar sem honum hafa borist.

Á sama tíma heldur kórónuveiran áfram að breiðast út í Bretlandi en alls létust 917 manns vegna Covid-19 á bresk­um sjúkra­hús­um síðasta sól­ar­hring­inn, þar á meðal 11 ára gamalt barn. Alls hafa tæp­lega tíu þúsund lát­ist í Bretlandi af völd­um Covid-19-sjúk­dóms­ins.

Frétt af mbl.is

917 látnir í Bretlandi á sólarhring

Staðfest smit í Bretlandi eru 78.991, að því er fram kem­ur í frétt AFP. Í gær lét­ust 980 manns á bresk­um sjúkra­hús­um og voru það flest dauðsföll af völd­um kór­ónu­veirunn­ar á ein­um sól­ar­hring þar í landi.

„Með því að vera í sundur tryggjum við öryggi annarra,“ segir Elísabet Englandsdrottning í páskadagsávarpi sínu sem birt var í kvöld. Þetta er líklega í fyrsta sinn sem páskaávarp þjóðhöfðingjans er tekið upp fyrirfram. „Við vitum að kórónuveiran mun ekki yfirbuga okkur,“ segir drottningin.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt