Strandgæsla Bangladess bjargaði 382 rohingj­um sem höfðu verið á reki í tæpa tvo mánuði. Flóttafólkið var að svelta í hel þegar því var bjargað en að sögn yfirvalda í Bangladess höfðu ekki allir lifað flóttann af því rúmlega tveir tugir voru látnir. Fólkið var að reyna að komast til Malasíu en hafði verið vísað þaðan vegna kórónuveirunnar.

Í frétt BBC kemur fram að ekki sé vitað hvort flóttafólkið var að koma frá Bangladess eða Búrma þaðan sem rohingjarnir eru. Árið 2017 drap herinn í Búrma þúsundir rohingja en þeir eru minnihlutahópur múslima í Búrma. Þetta varð til þess að um 700 þúsund rohingjar flúðu yfir til nágrannalandsins, Bangladess.

Tengdar fréttir

Rohingjar á flótta

Bátur með 180 Róhingjum á reki í meira en mánuð

• Fundu 14 lík á ströndinni
• Bandaríkin segja Mjanmar hafa framið þjóðarmorð
• Rohingjar höfða mál gegn Facebook
• Þaggað niður og falið í skugga skammar

» Fleiri tengdar fréttir

• Blogga um frétt