Veiran kemur í veg fyrir hefðbundna minningarstund

Kanadabúar eru hvattir til að sameinast í bæn á föstudagskvöld til að minnast fórnarlamba  í árás­um í Nova Scotia um helg­ina. Sökum aðgerða sem eru í gildi vegna kórónuveirufaraldursins eru fjöldasamkomur ekki leyfðar og því verður um eins konar fjarminningarstund að ræða. 

„Eftir því sem við vitum meira um atburðarrás gærdagsins er mikilvægt að við sameinumst og styðjum hvort annað,“ segir Justin Trudeau, forsætisráðherra Kanada. Skotárásin er sú mannskæðasta í sögu Kanada en fórnarlömbin voru að minnsta kosti 18. 

Frétt af mbl.is

„Skrímsli myrti móður mína í dag“

Trudeau segir að ríkisstjórn hans hafi verið á barmi þess að innleiða bann gegn árásarvopnum þegar hefðbundnum þingstörfum var frestað sökum kórónuveirunnar. 

Justin Trudeau, forsætisráðherra Kanada, ávarpaði landsmenn í dag vegna árásarinnar, sem er sú mannskæðasta í sögu landsins. AFP

Morðing­inn, 51 árs gam­all kanadísk­ur tannsmiður, er tal­inn hafa farið af stað með eitt­hvert til­tekið skot­mark í huga en  að þegar hann hafi hafið skot­hríðina hafi hann misst stjórn á sér og haldið áfram í tólf klukku­stund­ir að drepa sak­laust fólk sem varð á vegi hans. Rannsókn lögreglu er umfangsmikil en að minnsta kosti 16 mismundi staðir eru hluti af rannsókninni.

Frétt BBC

• Blogga um frétt