Afnema dauðarefsingu fyrir glæpi framda á barnsaldri
Setja bókamerki
Yfirvöld í Sádi-Arabíu hyggjast hætta að dæma fólk til dauða fyrir glæpi sem það framdi á barnsaldri. Frá þessu greinir mannréttindaráð landsins og er breytingin sögð liður í að draga úr gagnrýni á mannréttindamál í Sádi-Arabíu.
Alls voru 184 manneskjur teknar af lífi af yfirvöldum í Sádi-Arabíu í fyrra og hafa aldrei verið jafn margar á einu ári samkvæmt skýrslu Amnesty International sem kom út fyrr í þessum mánuði. Á heimsvísu fækkaði aftökum árið 2019 frá fyrra ári. Aðeins er vitað um tuttugu lönd í heiminum sem framkvæma aftökur.
Af þeim 184 sem tekin voru af lífi í Sádi-Arabíu í fyrra voru sex konur og og rúmlega helmingur allra var erlendis frá. Að minnsta kosti einn var sakaður um lögbrot undir lögaldri. Til samanburðar var fjöldi aftaka 148 árið 2018.
Í stað dauðarefsingar fyrir glæpi þar sem hinn brotlegi er undir lögaldri verður kveðinn upp konunglegur úrskurður í slíkum málum þar sem hámarksrefsing er tíu ár í ungmennafangelsi.
Óljóst er hins vegar hvenær lagabreytingin öðlast gildi.
Biden ávarpar Bandaríkjamenn eftir sigur Trumps
„Það var ekki dæmt löglegt að mismuna börnum“
Foreldrum sagt að heimanám væri verkfallsbrot
Biður fólk um að vera ekki á ferðinni
Kröfugerðin skýr en upphæðin ekki
Ríkisstjórn Scholz sprungin
Vetrarblæðinga vart í Öxnadal
Ekkert ferðaveður á Vestfjörðum og á Norðurlandi