Ferðamálaráðherrar ríkja Evrópusambandsins hittast á fjarfundi í dag þar sem þeir ræða áhrif kórónuveirunnar á ferðalög fólks. Gríski ráðherrann vonast til þess að fólk geti sótt landið heim í sumar.

Ráðherrarnir ræða hvernig fólk geti ferðast á nýjan leik þegar heimsfaraldur kórónuveiru hefur gengið yfir.

Gríski ferðamálaráðherrann Harry Theoharis segir að örugg ferðalög verði rædd á fundinum. Þar verði meðal annars farið yfir möguleika þess að fólk verði prófað fyrir kórónuveirunni áður en það stígur upp í flugvél.

„Við viljum fá fólk til Grikklands í sumar,“ sagði Theoharis í samtali við BBC.

„Auðvitað munu ákveðnar ráðstafanir gilda fyrir mögulega ferðalanga. Þetta mun einnig gilda um það hvernig fólk ferðast og dvelur; til að mynda á sólbekkjum,“ sagði Theoharis.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt