Pell vissi af barnaníði innan kirkjunnar

Ástralski kardínálinn George Pell vissi af barnaníði kaþólskra presta þegar á áttunda áratugnum en gerði ekkert til að þeir yrðu fjarlægðir úr embætti. 

Þetta kemur fram í niðurstöðu skýrslu sem var birt í morgun.

Frétt af mbl.is

„Fyrir glæp sem ég framdi ekki“

Skýrsla rannsóknarnefndar kom út árið 2017 en þessar upplýsingar voru ekki birtar þegar réttað var yfir honum vegna barnaníðs, að sögn BBC. 

Pell var sýknaður af barnaníði í hæstarétti fyrir páska og látinn laus úr fangelsi eftir að hafa dúsað þar í þrettán mánuði. Hann var sakfelldur í fyrra fyrir kynferðisbrot gegn tveimur kórdrengjum.

Kardínálinn var fjármálastjóri Páfagarðs og hæst setti embættismaður kaþólsku kirkjunnar sem hafði verið sakfelldur fyrir barnaníð.

Í skýrslunni kemur fram að Pell hafi vitað af barnaníði presta innan kaþólsku kirkjunnar bæði snemma á ferli sínum og síðar meir.

Sérstaklega er í skýrslunni vísað á bug því sem Pell hefur haldið fram um að hann hafi ekki vitað af brotum fyrrverandi samstarfsmanns síns Gerard Ridsdale, sem var dæmdur í fangelsi fyrir hundruð brota tengdum barnaníð.

• Blogga um frétt