Yfir 30 þúsund látin á Ítalíu

Yfir 30 þúsund hafa látist af völdum kórónuveirunnar á Ítalíu. Aðeins í Bandaríkjunum og Bretlandi hefur COVID-19 tekið fleiri mannslíf. 

243 dauðsföll voru tilkynnt síðasta sólarhring, örlítið færri en sólarhringinn á undan þegar þau voru 274. Alls hefur 30.201 látið lífið á Ítalíu sökum veirunnar og fjöldi staðfestra smita er 217.185. Fjöldi dauðsfalla fór yfir 30.000 í Bretlandi á miðvikudag og því er Ítalía fyrsta landið innan Evrópusambandsins þar sem heildarfjöldi dauðfalla fer yfir þrjátíu þúsund. 

Frétt af mbl.is

„Það væri betra að deyja“

Ítalía var fyrsta Evrópuríkið sem setti á útgöngubann vegna veirunnar en nú hefur aflétting á því hafist í skrefum. Messuhald hefst á nýjan leik 18. maí en skólar, kvikmyndahús og flestar verslanir verða áfram lokaðar. Barir og veitingastaðir fá að opna, með takmörkunum þó, í júní.

• Blogga um frétt