Handtekinn vegna aðildar að þjóðarmorði

Franska lögreglan hefur handtekið Felicien Kabuga sem hefur verið sakaður um að hafa fjármagnað þjóðarmorðið í Rúanda um miðjan tíunda áratuginn.

Kabuga er á meðal síðustu lykilmanna í tengslum við þjóðarmorðið sem hafa verið handteknir. Hann var eitt sinn einn ríkasti maður Rúanda.

Frétt af mbl.is

Á yfir höfði sér 30 ára dóm fyrir þjóðarmorð

Að sögn embættis ríkissaksóknara í Frakklandi og lögreglunnar bjó hann í einu af úthverfum Parísar á fölskum skilríkjum.

Háttsettur saksóknari hjá Sameinuðu þjóðunum, Serge Brammertz, hefur fagnað handtöku Kabuga. „Handtaka Felicien Kabuga í dag sýnir að það er hægt að láta þá sem báru ábyrgð á þjóðarmorðinu svara til saka, jafnvel þótt 26 ár séu liðin frá glæpum þeirra,“ sagði hann.

• Blogga um frétt