Cummings tilkynntur til lögreglu
Setja bókamerki
Lögreglan í Bretlandi skoðar nú hvort hefja eigi rannsókn á Dominic Cummings, helsta ráðgjafa forsætisráðherra Bretlands, vegna brota hans á útgöngubanni. Þrýstingur á Boris Johnson, forsætisráðherra Bretlands, um að reka Cummings hefur aukist til muna eftir fréttir af því að Cummings hafi farið frá Lundúnum og þannig brotið þær reglur sem eru í gildi vegna útbreiðslu kórónuveiru í annað sinn.
Robin Lees, efnafræðikennari á eftirlaunum, tilkynnti Cummings til lögreglu fyrir að hafa brotið útgöngubann eftir að hann sá ráðgjafann á gangi ásamt fjölskyldu sinni í bænum Barnard Castle áður en þau settust inn í bíl. Barnard Castle er um 400 kílómetra frá Lundúnum þar sem Cummings býr ásamt fjölskyldu sinni.
Bæði Cummings og eiginkona hans upplifðu einkenni COVID-19.
Johnson sagði fyrr í dag að hann styddi Cummings og að Cummings hefði haft „engan annan kost“ en að ferðast til til Norðaustur-Englands til þess að koma börnum sínum í pössun þegar hann og kona hans voru við það að verða óvinnufær vegna kórónuveiru.
Vill ekki fresta landsfundi
„Ég á 10-15 vini sem eru búnir að missa allt“
Kaup á Grænlandi og Íslandi skoðuð 1867
Viðurinn sem kveikti í skóginum
/frimg/1/35/4/1350480.jpg)
Íslendingar ekki duglegir að fara í inflúensubólusetningar
Enginn fundur á dagskrá og stefnir í verkföll
Hefði mjög gjarnan viljað hitta hann