Staðfesti aðeins hver hann væri við þingfestingu

Benjamin Netanyahu, forsætisráðherra Ísraels, kom fyrir dómara við þingfestingu spillingarmáls sem nú er rekið gegn honum.

Netanyahu staðfesti aðeins hver hann væri við þingfestinguna, en dómþingi var frestað eftir um klukkustund, en þá hafði verjendateymi Netanyahu óskað eftir löngum fresti til að fara yfir sönnunargögn.

Engin dagsetning var sett fyrir næsta þinghald.

Umtalsverðar ráðstafanir voru gerðar vegna kórónufaraldursins við réttarhöldin, en þingfestingunni hafði áður verið frestað vegna ástandsins. Voru Netanyahu og aðrir í dómsalnum meðal annars með andlitsgrímur á sér.

Um 800 manns komu saman fyrir utan heimili ráðherrans í dag þar sem þau mótmæltu meintum brotum hans, meðan um 200 manns komu saman á öðrum stað til að lýsa stuðningi við ráðherrann.

Frétt af mbl.is

Fyrsti dagur réttarhalda yfir Netanyahu í dag

Áður en Netanyahu fór fyrir dómstólinn hélt hann ræðu fyrir blaðamenn við dómshúsið. Þar ítrekaði hann fyrri orð sín um sakleysi sitt og sagði ákæruna vera „nornaveiðar“.

Benjamin Netanyahu, forsætisráðherra Ísraels, flytur ræðu fyrir utan dómstólinn. AFP

Ráðherr­ann er sakaður um að hafa beðið út­gef­anda ísra­elsks dag­blaðs, Yediot Aharonot, um já­kvæða um­fjöll­un gegn því að hann myndi hjálpa til við að hindra út­gáfu keppi­naut­ar­dag­blaðs. 

Auk þess er for­sæt­is­ráðherr­ann sakaður um að hafa þegið gjaf­ir sem nema rúm­um 10 millj­ón­um ís­lenskra króna frá Hollywood-auðjöfr­in­um Arnon Milch­an og öðrum stuðnings­mönn­um. 

Þrátt fyr­ir að Net­anya­hu hafi verið ákærður get­ur hann áfram setið sem for­sæt­is­ráðherra. Hafa gagn­rýn­isradd­ir bent á að óeðli­legt sé að yf­ir­maður rík­is­ins geti gegnt því embætti meðan hann sé sótt­ur til saka og á sama tíma mögu­lega veikt ákæru­valdið.

• Blogga um frétt