Líflátshótanir í garð Tegnell færast í aukana
Setja bókamerki
Anders Tegnell, sóttvarnalæknir Svíþjóðar, hefur fengið líflátshótanir upp á síðkastið. Aftonbladet hefur heimildir fyrir því að lögreglumönnum innan hatursglæpadeildar lögreglunnar hafi ekki tekist rekja hvaðan hótanirnar koma.
Tegnell er tiltölulega rólegur yfir hótunum sem beinast að honum en þegar hans nánustu fóru einnig að berast líflátshótanir stóð honum ekki á sama. Fyrstu hótanirnar fékk hann fyrir rúmum tveimur mánuðum og hefur þeim nú farið fjölgandi.
Heilbrigðisyfirvöld í Svíþjóð og Tegnell hafa verið gagnrýnd fyrir viðbrögð sín við kórónuveirufaraldrinum. Sænsk yfirvöld ákváðu að bíða að mestu leyti fram í apríl með að grípa til ráðstafana gegn útbreiðslu veirunnar og svaraði Tegnell harðri gagnrýni 22 sænskra vísindamanna, sem rituðu grein um málið í Dagens Nyheter í apríl, fullum hálsi og rökstuddi mál sitt meðal annars með því að mun fleiri væru látnir í New York en Svíþjóð.
Um 90% af þeim 4.125 sem hafa látist eru eldri en 70 ára. Stjórnvöld hafa gefið út að þeirra helsta forgangsmál sé að verja þá viðkvæmustu. Alls eru íbúar Svíþjóðar um 10 milljónir talsins og fá lönd í Evrópu hafa gripið til jafn takmarkaðra öryggisráðstafana, svo sem varðandi samkomubann o.fl. og Svíþjóð.
„Þetta er ríkisstjórn almannahagsmuna“
Alvarleg netárás á Wise
Fyrsti blaðamannafundurinn í heild sinni
Ók á hóp fólks á jólamarkaði: Einn látinn
„Tímabil aukinnar eldvirkni“
Bjarni: „Útilokað að þetta geti gengið upp“
Þetta eru ráðherrar ríkisstjórnarinnar
Funda með þingflokkum
