Michael O‘ Le­ary, forstjóri írska lággjaldaflugfélagsins Ryanair, segir að nýjar reglur þar sem komufarþegum til Bretlands er gert að fara í sóttkví í tvær vikur muni valda ferðamannaiðnaðinum ómældum skaða.

Reglurnar eru settar til að reyna að koma í veg fyrir aðra bylgju kórónuveirufaraldursins en O‘ Le­ary segir þær óskynsamlegar og illa rökstuddar.

„Þetta mun valda eyðileggingu, ekki bara fyrir flugfélögin heldur breska ferðamannaiðnaðinn í heild sinni,“ sagði forstjórinn.

Hann sagði júlí og ágúst lykilmánuði í að koma ferðaþjónustu og öllu sem henni tengist aftur á lappirnar í Bretlandi. Þessar aðgerðir stjórnvalda gætu hins vegar þýtt að fjöldi fólks missi vinnuna.

„Allt út af heimskulegri, gagnslausri einangrun.“

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt