Opni fyrir umferð utan Schengen 1. júlí
Setja bókamerki
Tengdar fréttir
Evrópusambandið
Framkvæmdastjórn Evrópusambandsins leggur til að ríki sambandsins hefji opnun landamæra sinna fyrir umferð utan Schengen-svæðisins frá og með 1. júlí. Frá þessu greindi Joseph Borrell, sem fer með utanríkismál í framkvæmdastjórn ESB, á blaðamannafundi í dag.
Ylva Johansson, sem fer með innanríkismál í framkvæmdastjórn Evrópusambandsins, sagði í síðustu viku að hentugast væri að opna landamæri aðildarríkjanna í lok júní en ferðabann ríkjanna inn í Schengen-svæðið hefur verið í gildi frá 17. mars sökum útbreiðslu kórónuveirunnar.
Innanríkisráðherrar aðildarríkjanna 27 komust að samkomulagi um helgina að samræma aðgerðir um hvernig opnað verði fyrir umferð utan Schengen. Borell segir endanlega ákvörðun liggja hjá ríkjunum sjálfum og hafa nokkur þeirra nú þegar byrjað að létta á takmörkunum við landamærin.
Grikkir hafa til að mynda tilkynnt að þeir muni taka á móti ferðamönnum frá ríkjum utan Schengen frá og með 15. júní, þar á meðal Ástralíu, Kína og Suður-Kóreu.
Tengdar fréttir
Evrópusambandið
Alvarleg netárás á Wise
Var engin kristnitaka árið 1000?
Þetta eru ráðherrar ríkisstjórnarinnar
Stormur á Þorláksmessu en víðast hvar stefnir í hvít jól
Barn lést í árásinni
Lát hjóna í Neskaupstað: Ákæra gefin út
„Börn heima sem maður myndi vilja hafa í skjóli“
