Staðan í Peking „mjög alvarleg“
Setja bókamerki
Hópsýkingin sem kom upp í Peking, höfuðborg Kína, um síðustu helgi er „mjög alvarleg“ og líkurnar á annarri bylgju kórónuveirufaraldursins eru sagðar aukast daglega. Greint var frá 27 nýjum smitum í dag en samtals hafa 106 smit greinst í Peking síðustu fimm daga.
Sýkingin er sögð hafa komið upp í Xinfadi-heildsölumarkaðnum, sem er sá stærsti í borginni. Margir starfsmenn markaðarins hafa greinst með veiruna síðustu daga. Búið er að loka markaðnum sem og annarri atvinnustarfsemi í grennd við hann.
Borgaryfirvöld hafa sett á útgöngubann í 30 svæðum í borginni og umfangsmikið sýnatökuverkefni hefur verið sett af stað. Samkvæmt ríkismiðlinum Xinhua er hægt að taka 90 þúsund sýni á dag.
Yfirvöld í Kína voru búin að aflétta takmörkunum vegna faraldursins og höfðu allt að því lýst yfir sigri gegn veirunni.
„Staðan á faraldrinum í höfuðborginni er mjög alvarleg,“ sagði Xu Hejian, talsmaður borgaryfirvalda, á blaðamannafundi.
Innlend hópsýking lifrarbólgu B
Þegar borgin stal jólunum
Um 3.800 flutt til landsins í ár
Ekki hægt að laga suma vegi fyrr en í vor
Munu áfrýja beint til Hæstaréttar
„Allt í rusli“ við brúargerð á Vestfjörðum
Glíma enn við eftirköst E.coli-smits í Efstadal
Tré brotnuðu og umferðarskilti lagðist á hliðina