Úrskurðaður látinn 8:07
Guðrún Hálfdánardóttir
Setja bókamerki
/frimg/1/44/30/1443068.jpg)
„Þið eruð að drepa saklausan mann,“ voru síðustu orð Daniel Lewis Lee sem var tekinn af lífi klukkan 8:07 að bandarískum tíma (12:07 að íslenskum tíma). Nokkrum klukkustundum eftir að hæstiréttur hafði heimilað aftökuna. Lee var tekinn af lífi með banvænni lyfjainnspýtingu í Terre Haute ríkisfangelsinu í Indíana. Þetta er fyrsta aftakan á vegum alríkisstjórnarinnar í Bandaríkjunum í sautján ár.
Á sama tíma og dómarar fóru yfir beiðni verjenda Lee, um að samkvæmt áttundu grein stjórnarskrárinnar væri ekki heimilt að taka Lee af lífi með þessum hætti, beið Lee bundinn niður á sjúkrabörunum í um það bil fjórar klukkustundir.
Um 20 manns fylgdust með aftökunni í fjórum herbergum vegna sóttvarna í tengslum við kórónuveirufaraldurinn. Klukkan 7:46 var dregið frá gluggatjöldunum í herbergjunum fjórum og við blasti Lee á sjúkrabörunum með hendur niður með hliðum og tvo æðaleggi þar sem pentobarbital, sem er áhrifamikið róandi lyf sem hægir á líkamsstarfseminni, m.a. taugakerfinu, og getur þannig slökkt á allri líkamsstarfsemi, var dælt inn í æðar fangans.
Lee var spurður hvort hann vildi tjá sig að lokum. Lee gagnrýndi réttarkerfið fyrir að hafa hunsað niðurstöðu lífsýnarannsókna og hélt fram sakleysi sínu. „Ég ber ekki ábyrgð á dauða Mueller-fjölskyldunnar,“ sagði hann. Að hann og félagi hans hafi ekki einu sinni verið í sama ríki og morðin voru framin.
Það tók Lee aðeins tvær eða þrjár mínútur að deyja frá því byrjað var að dæla lyfinu í hann. Hann virtist ekki kveljast segir í fréttum fjölmiðla, hann reyndi að reisa höfuðið upp einu sinni án árangurs.
Taka átti Lee að lífi í gærkvöldi en aftakan var stöðvuð þangað til hæstiréttur hefði tekið málið fyrir. Þar var niðurstaðan 5-4. Meirihlutinn réð og Lee var tekinn af lífi.
Tjón eftir úrkomumet: „Landslagið er gjörbreytt“
Best að skella á og hringja strax í bankann
Kostnaður áætlaður 8,6 milljarðar
Í sjokki þegar þau sáu konuna í sjónum
Lögreglustjóri gerður afturreka
Frömdu hundruð stríðsglæpa í árásinni
Kourani áfrýjar dómnum