Tískurisar samsekir um vinnuþrælkun úígúra
Setja bókamerki
Mörg stærstu tískuvörumerkja heims eru samsek í tengslum við mannréttindabrot og nauðungarvinnu sem milljónir úígúr-múslima eru látnir inna af hendi í Xinjiang-héraði í norðvesturhluta Kína.
Þessu halda fleiri en 180 alþjóðleg mannréttindasamtök fram, og segja bómul sem framleiddur er í búðum múslíma í Xingjiang rata í eina af hverjum fimm allra bómullarflíka sem framleiddar eru á heimsvísu.
Athygli almennings víða um heim hefur verið vakin á mannréttindabrotum kínverskra stjórnvalda í garð úígúr-múslima í Xinjiang, þar sem milljónum þeirra er haldið í fanga- og lærdómsbúðum þar sem fjölskyldur eru aðskildar, þeir látnir sæta pyndingum og vinna nauðungarvinnu, auk þess sem nýjustu upplýsingar benda til þess að konur séu þar neyddar í ófrjósemisaðgerðir.
Þrátt fyrir þetta segja mannréttindasamtökin að mörg af fremstu tískuvörumerki heims haldi áfram að kaupa bómul og garn sem rekja má til vinnubúða kínverskra stjórnvalda. Í sameiginlegri yfirlýsingu samtakanna segir jafnframt að aðgerðir kínverskra stjórnvalda gegn úígúr-múslimum sé stærsta kyrrsetning minnihlutahóps síðan í seinni heimsstyrjöldinni.
Gap, Adidas og Calvin Klein
Kína er langstærsti framleiðandi bómuls á heimsvísu, en þar eru 84% alls bómuls framleidd, og stærstu tískuvörumerki heims reiða sig í miklu magni á bómul frá Xinjiang-héraði og segjast mannréttindasamtökin sannfærð um að bómul úr vinnubúðum úígúr-múslima finnist í fimmtu hverri bómullarflík á heimsvísu, en með yfirlýsingunni birta þau lista af tískufyrirtækjum sem þau segja kaupa bómul sem framleiddur er með þessum skelfilega hætti. Meðal fyrirtækjanna á listanum eru Gap, Adidas, Tommy Hilfiger og Calvin Klein.
Tekur ekki undir orð Ragnars Þórs og Ásthildar Lóu
Ríkisstjórn Scholz sprungin
Kröfugerðin skýr en upphæðin ekki
„Það var ekki dæmt löglegt að mismuna börnum“
Kannanir nákvæmari en fyrir fjórum árum
Ekkert ferðaveður á Vestfjörðum og á Norðurlandi
Evrópuumræðu laumað á dagskrá
„Fólk ætti að fara að öllu með gát“