Rannsaka þarf kaup á 50 milljónum andlitsgríma sem voru keyptar fyrri breska heilbrigðiskerfið en síðar taldar ónothæfar fyrir heilbrigðisstarfsfólk, að sögn leiðtoga Verkamannaflokksins. Guardian greinir frá.

Samningur upp á 252 milljónir punda var gerður við fjárfestingafyrirtæki í apríl þegar ráðherrar reyndu í örvæntingu að útvega hlífðarfatnað fyrir heilbrigðisstarfsmenn sem var þá af skornum skammti. 

Keir Starmer, leiðtogi Verkamannaflokksins. AFP

„Í marga mánuði var okkur sagt að ríkisstjórnin væri að festa kaup á réttum búnaði fyrir framlínuna. Enn og aftur þá hefur það ekki gerst,“ sagði Keir Stamer leiðtogi Verkamannaflokksins við fréttamenn í heimsókn til Norður-Wales á fimmtudag. 

„Nú þarf að fara fram rannsókn á því hvað fór úrskeiðis í þessum tiltekna samningi vegna þess að það er bara ekki nógu gott að fólk sem þarfnast hlífðarbúnaðar sé sett í þessa stöðu.“

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Sigurður Antonsson: Vandlifað í síbreytilegum heimi. Kóvitið ekki í askana látið