Fjórði Kanadamaðurinn dæmdur til dauða
Setja bókamerki
Kínverskur dómstóll í Guangdong-héraði dæmdi í dag kanadískan ríkisborgara til dauða fyrir framleiðslu ólöglegra fíkniefna. Er þetta annar Kanadamaðurinn sem dæmdur er til dauða í Kína á tveimur dögum og sá fjórði sem er dæmdur til dauða síðan í fyrra.
Kandadíski ríkisborgarinn Ye Jianhui fékk dóm í dag en annar kanadískur ríkisborgari, Xu Wihong, fékk dauðadóm í gær fyrir framleiðslu ketamíns og meintur vitorðsmaður hans fékk lífstíðardóm.
Í umfjöllun BBC sem greinir frá er bent á að samskipti Kanada og Kína hafi súrnað verulega síðan Meng Wanzhou, fjármálastjóri hjá kínverska tæknifyrirtækinu Huawei, var handtekin í Kanada í desember árið 2018.
Segir engin tengsl vera til staðar
Wang Wenbin, talsmaður utanríkisráðuneytis Kína, neitaði fyrir að tengsl væru á milli handtöku Wanzhou og máls Jianhui. „Ég vil taka fram að kínversk dómsyfirvöld fjalla um mál í samræmi við kínversk lög og lögvenjur óháð öðrum málum. Dauðarefsingar fyrir alvarleg fíkniefnalagabrot hafa varnaðaráhrif og koma í veg fyrir slíka glæpi,“ sagði Wenbin.
Kínversk yfirvöld veita engar frekari upplýsingar um dóminn yfir Jianhui en kínverskir fjölmiðlar halda því fram að lögreglan hafi fundið rúmlega 218 kílógrömm af hvítum kristölum með MDMA í húsnæði sem Jianhui notaði ásamt fimm öðrum sem allir eru kínverskir ríkisborgarar.
Einn af fimmmenningunum var einnig dæmdur til dauða en hinir fengu dóma á bilinu sjö ár til lífstíðarfangelsis.
Á síðasta ári voru tveir kanadískir ríkisborgarar dæmdir til dauða vegna fíkniefnamála. Þá voru tveir kanadískir ríkisborgarar handteknir í desember árið 2018 sakaðir um njósnir.
Alvarleg netárás á Wise
Beint: Ný ríkisstjórn tekin við völdum
Var engin kristnitaka árið 1000?
Hrikalegt að heyra fréttirnar
Þetta eru ráðherrar ríkisstjórnarinnar
Fyrsti blaðamannafundurinn í heild sinni
Segir að verið sé að svindla á Bandaríkjunum
