5G mál málanna í heimsókn Pompeo
Mike Pompeo utanríkisráðherra Bandaríkjanna við komuna til Prag í morgun.
AFP
Setja bókamerki
Utanríkisráðherra Bandaríkjanna, Mike Pompeo, kom til Prag í morgun en Tékkland er fyrsti áfangastaður hans í fimm daga heimsókn til ríkja í Mið-Evrópu. Meðal þess sem Pompeo hyggst ræða við ráðamenn í Evrópu er hlutur Kína í 5G-fjarskiptanetum.
Pompeo verður tvo daga í Tékklandi og fer síðan til Slóveníu, Austurríkis og Póllands en stjórnvöld í Póllandi hafa fagnað hugmyndum um flutning bandarískra hermanna frá Þýskalandi til Póllands.
Hlutur kínverska fjarskiptafyrirtækisins Huawei er ofarlega í huga Pompeo en bandarísk yfirvöld telja ógn stafa af fyrirtækinu vegna forystu þess í 5G-væðingu netsins. Eins mun hann ræða hvernig hægt verði að draga úr orkusölu Rússa til Evrópu en Evrópa reiðir sig mjög á gas frá Rússlandi.
Beint: Ný ríkisstjórn tekin við völdum
Hrikalegt að heyra fréttirnar
Barn lést í árásinni
„Mér finnst gamla Samfylkingin komin aftur“
Fyrsti blaðamannafundurinn í heild sinni
„Börn heima sem maður myndi vilja hafa í skjóli“
Skattamál verði líklega „þeirra mesta klemma“
Forstjóri bendir á ábyrgð birgja vegna verðhækkana
