Svetl­ana Tsikanovskaja, sem bauð sig fram til embættis forseta í Hvíta-Rússlandi, segist reiðubúin til að taka yfir stjórn landsins. Hún er í sjálfskipaðri útlegð í nágrannaríkinu Litháen en í gær tóku tugþúsundir þátt í mótmælum í Hvíta-Rússlandi.

Ég hafði ekki áhuga á að verða stjórnmálamaður en örlögin ákváðu það að ég yrði í framlínunni gegn gerræðislegum og óréttlátum stjórnarháttum segir hún. „Ég er reiðubúin til þess að taka ábyrgð og gegna hlutverki þjóðarleiðtoga á meðan þessu tímabili varir,“ segir hún í myndskilaboðum. 

AFP

Myndskeiðið var birt eftir að tugþúsundir tóku þátt í mótmælum í Minsk í gær þar sem endurkjöri Al­ex­and­er Lúka­sj­en­kó, for­seti Hvíta-Rúss­lands, var mótmælt. Telja mótmælendur að maðkur hafi verið í mysunni við talningu atkvæða í forsetakosningunum fyrir rúmri viku. Samkvæmt tilkynningu frá yfirkjörstjórn fékk Lúkasjenkó um 80% atkvæða en Tsikanovskaja um 10%.

Tsikanovskaja er ný í stjórnmálum en hún ákvað að bjóða sig fram til embættis forseta þegar eiginmaður hennar, sem var í framboði, var fangelsaður. Hún hefur hvatt til þess að gengið verði til atkvæða að nýju. 

AFP

Tengdar fréttir

Hvíta-Rússland

Prota­sevit­sj náðaður

• „Undirbúi“ sig vegna hrakandi heilsu leiðtogans
• Prota­sevitsj dæmdur í átta ára fangelsi
• Hótanir Pútíns liður í áróðrinum
• Rússar haldi Hvít-Rússum í „kjarnorkugíslingu“

» Fleiri tengdar fréttir

• Blogga um frétt