Grímuskylda á vinnustöðum í Frakklandi
AFP
Setja bókamerki
Til stendur að gera grímunotkun að skyldu á flestum vinnustöðum í Frakklandi frá og með 1. september til að reyna að hefta úrbreiðslu kórónuveirunnar þar í landi.
Samkvæmt frétt BBC munu reglurnar líklega ná til allra sameiginlegra rýma franskra vinnustaða þar sem fleiri en einn er viðstaddur. Einstaklingsskrifstofur verði undanskildar.
Tilfellum kórónuveirunnar hefur fjölgað í Frakklandi frá júlí, en þar er þegar víðtæk grímuskylda.
Meðaltal nýrra smita daglega undanfarna sjö daga er vel yfir 2.000, eða tvöfalt hærra en það var í byrjun ágúst.
Heilbrigðisyfirvöld í Frakklandi telja að nærri fjórðung allra nýrra hópsýkinga megi rekja til vinnustaða.
Alls hafa 220 þúsund Frakkar smitast af kórónuveirunni og 30 þúsund látist.
Rafmagnstöflur brunnu í Mývatnssveit
Hátt í 80 tilkynningar borist um tjón
Hætta að taka við reiðufé í búðinni
Bitnar á núverandi nemendum
Lið Manchester United flýgur með Icelandair
Gerðu 17 loftárásir á Beirút í nótt
Byrlunarmálinu alls ekki lokið