Hvít-Rússar munu aldrei samþykkja forystu Alexanders Lúkasjenkós. Þetta sagði stjórnarandstöðuleiðtoginn Svetlana Ts­íkanovskaja á sínum fyrsta blaðamannafundi síðan hún flýði til Litháens frá Hvíta-Rússlandi í kjölfar forsetakosninganna þar í landi í síðustu viku.

Ts­íkanovskaja bauð sig fram gegn Lúkasjenkó, sem verið hefur forseti landsins frá 1994, í kosningunum. Niðurstöðurnar, sem segja Lúkasjenkó hafa hlotið 80% atkvæða, eru sagðar falsaðar.

Á blaðamannafundinum sagðist Ts­íkanovskaja jafnframt ætla að snúa aftur til Hvíta-Rússlands þegar henni þætti það öruggt.

Hún neitaði að svara spurningum um öryggi sitt og nákvæmar ástæður þess að hún ákvað að flýja heimaland sitt í kjölfar kosninganna, en stuðningsmenn hennar og yfirvöld í Litháen segja að hún hafi ekki átt annarra kosta völ eftir mikinn þrýsting frá hvítrússneskum yfirvöldum á fundi kjörstjórnar í Minsk.

„Það ætti að vera forsetanum ljóst að breytinga er þörf. Ég vona að skynsemin verði ofan á og að á fólkið verði hlustað og aðrar kosningar haldnar,“ sagði Ts­íkanovskaja.

Tengdar fréttir

Hvíta-Rússland

Prota­sevit­sj náðaður

• „Undirbúi“ sig vegna hrakandi heilsu leiðtogans
• Prota­sevitsj dæmdur í átta ára fangelsi
• Hótanir Pútíns liður í áróðrinum
• Rússar haldi Hvít-Rússum í „kjarnorkugíslingu“

» Fleiri tengdar fréttir

• Blogga um frétt