Rússneskir læknar hafa veitt leyfi fyrir því að leiðtogi rússnesku stjórnarandstöðunnar, Alexei Navalní, verði fluttur á brott frá sjúkrahúsi í Síberíu, að ósk ættingja hans.

„Við tókum þá ákvörðun að setja okkur ekki gegn flutningi hans á annað sjúkrahús, það sem ættingjar hans bentu okkur á,“ sagði Anatolí Kalinichenko, aðstoðaryfirlæknir á sjúkrahúsinu.

Fyrr í dag var greint frá því að rússnesk stjórnvöld hefðu veitt þýskum læknum heimild til að ferðast á sjúkrahúsið í Síberíu til að huga að Navalní. Til stendur að flytja hann til Berlín í Þýskalandi til aðhlynningar. 

Grunur er uppi um að eitrað hafi verið fyrir honum.

Alexei Navalní ásamst stuðningsmönnum sínum. AFP

Tengdar fréttir

Al­ex­ei Navalní

Vill sjá Pútín á bak við lás og slá

• Vissi að hann myndi deyja í fangelsi
• Navalní átti að vera hluti af fangaskiptunum
• Rússar vilja handtaka ekkju Navalnís
• Handteknir fyrir að starfa fyrir teymi Navalnís

» Fleiri tengdar fréttir

• Blogga um frétt