Samþykkja notkun blóðvökva gegn veirunni
Setja bókamerki
Bandarísk yfirvöld hafa veitt neyðarsamþykki fyrir notkun blóðvökva úr þeim sem hafa jafnað sig á kórónuveirunni sem meðferð gegn COVID-19.
Alls hafa yfir 176 þúsund manns látist af völdum veirunnar í Bandaríkjunum.
Donald Trump Bandaríkjaforseti er undir miklum þrýstingi um að stöðva útbreiðslu veirunnar í landinu en stutt er í forsetakosningarnar sem verða í nóvember.
Talið er að kröftug mótefni séu að finna í blóðvökvanum sem geti hjálpað við að vinna hraðar bug á sjúkdómnum og til að koma í veg fyrir að fólk veikist alvarlega af hans völdum.
Efasemdaraddir eru uppi
Notast hefur verið við meðferðina í Bandaríkjunum og í öðrum löndum. Enn er þó tekist á um hversu mikið gagn hún gerir. Sumir sérfræðingar hafa varað við mögulegum aukaverkunum.
„Notkun blóðvökva virkar líklega, þótt enn eigi eftir að færa á það sönnur með rannsóknum, en ekki sem meðferð til bjargar sjúklingum sem eru þegar orðnir alvarlega veikir,“ sagði Len Horovitz, lungnasérfræðingur við Lenox Hill-spítalann í New York-borg.
Hann sagði að blóðvökvinn muni líklega virka mun betur strax eftir að manneskja hefur smitast af veirunni, þegar líkaminn er að reyna að stöðva sýkinguna.
Íbúar uggandi vegna sprenginga
„Fáránleg“ vegferð Trumps sýni mikilvægi Grænlands
Íbúar argir: Bærinn vill gistihús á flóðasvæði
850 borgarstarfsmenn veikir á dag
„Sjaldan orðlaus en ég er það í þessu tilfelli“
„Ísland hefur veitt mér mikinn innblástur“
„Ég á 10-15 vini sem eru búnir að missa allt“