Tiktok mun höfða mál

Forsvarsmenn samfélagsmiðilsins Tiktok tilkynntu í gær að þeir myndu leita réttar síns vegna forsetatilskipunar Donalds Trump Bandaríkjaforseta. Hyggjast bandarísk stjórnvöld loka miðlinum, nái bandarískt fyrirtæki ekki að festa kaup á honum fyrir 15. september, að því er fréttastofa CNN greinir frá. 

Frétt af mbl.is

Verði lokað ef enginn kaupir fyrir 15. september

Samkvæmt forsetatilskipun sem Trump gaf út nýverið verður miðlinum eytt ef bandarískt fyrirtæki festir ekki kaup á ByteDance, móðurfyrirtæki Tiktok. 

„Til þess að tryggja að farið sé lögum samkvæmt og komið sé fram við notendur okkar af sanngirni neyðumst við til að láta reyna á forsetatilskipun [Donalds Trump] fyrir rétti,“ sagði í yfirlýsingu Tiktok til CNN.

Tiktok hafi reynt eftir bestu getu að komast að samkomulagi í viðræðum við bandarísk stjórnvöld, þar sem þau hafi lýst yfir áhyggjum af þjóðaröryggi vegna upplýsingasöfnunar miðilsins. Í þeim viðræðum hafi stjórnvöld hunsað staðreyndur málsins og í þess stað reynt að hefja samningaviðræður við fyrirtæki um framtíð miðilsins.

Frétt af mbl.is

„Eyðið TikTok núna“

Frétt af mbl.is

Viðræður hefjast að nýju um kaup á TikTok

• Blogga um frétt