Mótmæla kóranbrennu í Malmö

Óeirðir brutust út í Rosengård-hverfinu í sænsku borginni í Malmö í kvöld þar sem því var mótmælt að kveikt var í eintökum af kóraninum í Malmö fyrr í dag.

Félagar í danska öfgaflokknum Stram Kurs eru taldir bera ábyrgð á brennunum.

Talið er að um 300 manns hafi komið saman á nokkrum stöðum í Rosengård, samkvæmt frétt sænska ríkissjónvarpsins. Bíldekk hafa verið brennd, grjóti kastað í lögreglu og kveikt í flugeldum.

AFP

Rickard Lundqvist, talsmaður lögreglunnar í Malmö, sagði í samtali við Aftonbladet að lögregla hefði fyrst um sinn haft stjórn á hlutunum. Nú væri þetta að þróast í ofbeldisfullar óeirðir.

• 1 blogg um fréttina

Bloggað um fréttina

• Eyjólfur Jónsson: Brenna kóraninum? En að brenna flestöll handrit sem voru sögulegur …