Með 29 krónur á tímann

Tvö norsk stétt­ar­fé­lög, Fell­es­for­bundet og sjó­manna­fé­lagið Sjø­manns­for­bundet, hafa kært norsku farþega­skipa­út­gerðina Hurtigru­ten til lög­regl­unn­ar í Mæri og Raumsdal og er kæru­efnið brot á norskri út­lend­inga­lög­gjöf.

Máls­ástæður og lagarök stétt­ar­fé­lag­anna tveggja eru, að um leið og Tom Cruise og sam­starfs­fólk hans við gerð kvik­mynd­ar­inn­ar Missi­on Impossi­ble 7 tóku farþega­skipið MS Fridtjof Nan­sen á leigu í heil­an mánuð sem vist­ar­ver­ur, meðan tök­ur á atriðum í mynd­ina fara fram í Åndals­nes og Stranda nær all­an sept­em­ber, hafi skipið lög­um sam­kvæmt breyst í hót­el enda muni það að mestu liggja við fest­ar all­an tím­ann í Hell­esylt.

Við breyt­ing­una úr farþega­skipi, sem sigl­ir und­ir alþjóðleg­um fána, svo­kölluðum NIS-fána, í hót­el fær­ist kjör áhafn­ar MS Fridtjof Nan­sen að áliti stétt­ar­fé­lag­anna und­ir norsk lög og þar með þurfi áhöfn skips­ins norskt dval­ar- og at­vinnu­leyfi rétt eins og hún væri starf­andi á hverju öðru hót­eli í Nor­egi.

457 ís­lensk­ar krón­ur í tíma­kaup

Slík rétt­indi þarf áhöfn­in ekki í sigl­ing­um við Nor­egs­strend­ur, þótt þær séu nán­ast all­ar milli norskra hafna, þar sem skipið sigl­ir und­ir alþjóðleg­um fána, og er Hurtigru­ten þar með ekki bund­in norsk­um kjara­samn­ing­um og get­ur því greitt starfs­fólki sínu um borð, sem flest kem­ur frá Fil­ipps­eyj­um, allt niður í 29 norsk­ar krón­ur á tím­ann, upp­hæð sem sam­svar­ar 457 ís­lensk­um krón­um.

Eng­in lág­marks­laun eru lög­fest í Nor­egi en flest­ar starfs­grein­ar hafa þó ákveðið sín lág­marks­laun í samn­ing­um og til að setja 29 krón­urn­ar hjá Hurtigru­ten í sam­hengi má nefna sem dæmi að lág­marks­tíma­laun við land­búnað og garðyrkju eru 103,15 krón­ur (1.624 ISK) fyr­ir starfs­fólk und­ir 18 ára aldri en 143,05 krón­ur (2.254 ISK) fyr­ir ófag­lærða full­orðna mann­eskju miðað við fa­stráðningu.

„Það er með öllu ólíðandi að hægt sé að leggja skipi að bryggju [í Nor­egi] þar sem launa­kjör um borð eru allt niður í 29 krón­ur á tím­ann,“ seg­ir Johnny Han­sen, formaður Sjó­manna­fé­lags­ins, við norska dag­blaðið VG auk þess sem hann tel­ur að Hurtigru­ten beri skylda til að ráða norsk­ar áhafn­ir sem nú sitji heima á bót­um vegna kór­ónukreppu.

Tom Cruise er hrif­inn af norskri nátt­úru og lagði mikið á sig til að fá að koma til Nor­egs með 200 manns sótt­kví­ar­laust til að taka upp atriði í Missi­on Impossi­ble 7. Hér hang­ir hann utan á Preikestolen, skammt frá Stavan­ger, við tök­ur á Missi­on Impossi­ble 6 í sept­em­ber 2017. Ljós­mynd/​Paramount Pict­ur­es

„Ríkið greiðir norsk­um sjó­mönn­um at­vinnu­leys­is­bæt­ur á meðan Hurtigru­ten læt­ur fljúga með mann­skap frá Fil­ipps­eyj­um í störf­in. Þetta er eins langt frá því að taka þátt í sam­stöðu þjóðar­inn­ar og kom­ist verður,“ seg­ir formaður­inn.

Jørn Egg­um, formaður Fell­es­for­bundet, stærsta stétt­ar­fé­lags Nor­egs, sem starfar inn­an margra greina og held­ur úti kjara­samn­ing­um við 5.000 vinnustaði, tek­ur und­ir með Han­sen og seg­ir hátt­semi Hurtigru­ten forkast­an­lega.

„Það er ekki í lagi að nota skip með alþjóðlegri skrán­ingu sem hót­el, loka aug­un­um og vona að eng­inn kom­ist að því að starfs­fólkið er ekki ná­lægt þeim regl­um um aðbúnað og holl­ustu­hætti á vinnu­stöðum sem lög­fest­ar eru í Nor­egi,“ seg­ir hann og bæt­ir við:

„Grípi lög­regl­an eða vinnu­eft­ir­litið ekki inn í verður rík­is­stjórn­in að gera það, það get­ur varla tal­ist „missi­on impossi­ble“.“

Seg­ir ásak­an­ir úr lausu lofti gripn­ar

MS Fridtjof Nan­sen er annað tveggja skipa sem Tom Cruise hef­ur tekið á leigu vegna gerðar mynd­ar­inn­ar en leik­ar­an­um hef­ur orðið tíðrætt um það ást­fóst­ur sem hann tók við norska nátt­úru þegar hann hékk utan á klett­in­um Preikestolen, skammt frá Stavan­ger í Roga­land, við tök­ur á loka­atriði Missi­on Impossi­ble 6 í sept­em­ber 2017 og fékk hann sér­staka und­anþágu frá sótt­kví­ar­regl­um til að koma með 200 manna starfslið frá Banda­ríkj­un­um nú.

Anne Ma­rit Bjørn­fla­ten, sam­skipta­stjóri Hurtigru­ten gagn­vart yf­ir­völd­um, sem út­gerðinni veit­ir varla af að hafa eft­ir að hún komst á all­ar forsíður og sætti lög­reglu­rann­sókn fyr­ir að hafa reynt að þagga niður 70 kór­ónu­veiru­til­felli áhafn­ar og farþega MS Roald Amundsen fyr­ir mánuði, seg­ir ásak­an­ir stétt­ar­fé­lag­anna úr lausu lofti gripn­ar.

Notk­un skips­ins brjóti ekki regl­ur skipa með NIS-skrán­ingu. „Það hef­ur Sigl­inga­mála­stofn­un staðfest. Starfs­fólkið eru sjó­menn sem starfa inn­an ramma þeirra reglna sem gilda um NIS-skip. Sjó­manna­fé­lag­inu er full­kunn­ugt um að eng­in fé­lags­leg und­ir­boð eiga sér stað á NIS-skip­um,“ seg­ir Bjørn­fla­ten.

„MS Fridtjof Nan­sen varð ekki fyr­ir val­inu í þetta verk­efni til að draga úr kostnaði held­ur vegna þess að skipið er heppi­leg­ast fyr­ir þetta verk­efni, ekki síst hvað sótt­varn­ir áhrær­ir,“ seg­ir sam­skipta­stjór­inn, en í síðustu viku komst það í há­mæli að fjór­ir hóp­ar farþega á MS Fridtjof Nan­sen smituðust af kór­ónu­veiru í vor og belg­ísk­ur karl­maður lést af sótt sinni eft­ir heim­komu í kjöl­far þess að skips­lækn­ir sagði ein­kenni hans ekki benda til kór­ónu­veiru­smits.

Frétt af mbl.is

Lést eft­ir sigl­ingu með Hurtigru­ten

„Mér finnst því illskilj­an­legt hvers vegna Sjó­manna­fé­lagið hef­ur uppi slík­ar órök­studd­ar full­yrðing­ar,“ seg­ir hún.

Svein Rike, deild­ar­stjóri út­lend­inga­eft­ir­lits­deild­ar lög­regl­unn­ar í Mæri og Raumsdal, staðfest­ir við VG að lög­regl­unni hafi borist kæra stétt­ar­fé­lag­anna og málið sé nú til at­hug­un­ar.

VG
NRK
E24
Dag­bla­det

• Blogga um frétt