Líbanskir stjórnmálaleiðtogar hafa lofað að mynda nýja ríkisstjórn innan tveggja vikna. Frá þessu greindi Emmanuel Macron, forseti Frakklands, í dag eftir viðræður við fulltrúa stjórnmálaflokka í ríkinu fyrir botni Miðjarðarhafs.

„Það sem ég hef beðið um, og það sem allir stjórnmálaflokkar án undantekninga hafa skuldbundið sig til að gera í kvöld, er að myndun nýrrar ríkisstjórnar taki ekki meira en fimmtán daga,“ sagði forsetinn í ræðu.

Bætti hann við að ríkisstjórnin yrði skipuð hæfum einstaklingum og yrði sömuleiðis sjálfstæð eining, með stuðningi stjórnmálaflokka.

Mustapha Adib, sem gegnt hafði embætti sendiherra Líbanons í Berlín frá árinu 2013, var í gær útnefndur forsætisráðherra landsins.

Tengdar fréttir

Sprengingar í Beirút

Sameinuð eftir sprenginguna í Beirút

• Aðstandendur gagnrýna Sameinuðu þjóðirnar
• Enn að jafna sig eftir áfallið
• 500 tonn af áburði ollu sprengingunni í Beirút
• Berjast við mikinn eld í Beirút

» Fleiri tengdar fréttir

• Blogga um frétt