Ríkissaksóknari New York-ríkis rannsakar nú dauða svarts manns eftir að myndband rataði upp á yfirborðið sem sýnir lögreglumenn setja hettu á höfuð mannsins og þvinga andlit hans að götunni.

Greint var frá andláti mannsins, Daniels Prude, á blaðamannafundi í gær, en fjölskylda hans stóð fyrir fundinum.

Prude dó viku eftir að hann var tekinn höndum, en ættingjar hans og aðrir aðgerðasinnar hafa kallað eftir aðgerðum vegna málsins.

Í tilkynningu frá Letitiu James, ríkissaksóknara New York-ríkis, segir að rannsókn málsins sé í höndum embættisins, og að ábyrgðar og gegnsæis verði gætt í málinu.

Komu að honum nöktum og óvopnuðum

Prude var handtekinn 23. mars síðastliðinn, en maðurinn var mögulega í geðrofi þegar lögreglan kom að honum. Samkvæmt myndbandi af atburðinum var Purdue nakinn og óvopnaður þegar lögreglu bar að garði.

Maðurinn hlýddi í fyrstu skipunum lögreglu um að leggjast á jörðina, en þegar hann var kominn í handjárn æstist Purdue, en þá settu lögreglumenn svokallaða hrákahettu (e. spit hood) á hann og þvinguðu höfuð hans að götunni.

Við það missti maðurinn meðvitund og var sendur á sjúkrahús, þar sem hann lést viku síðar eftir að slökkt var á öndunarvél sem hélt honum á lífi.

Umfjöllun BBC um málið

Tengdar fréttir

Barist gegn kynþáttafordómum

Fyrrverandi lögreglumaður fundinn sekur

• Morðingi George Floyd stunginn í fangelsi
• Lögreglan í Minneapolis beiti oft of miklu valdi
• Adidas endurskoðar samstarf við Kanye West
• Fjórir ákærðir vegna andláts Breonnu Taylor

» Fleiri tengdar fréttir

• Blogga um frétt