Kaupir hús fyrir 28 ára viskísafn

Karl­maður sem varð þeirr­ar gæfu aðnjót­andi að faðir hans gaf hon­um 18 ára gam­alt viskí á hverj­um af­mæl­is­degi son­ar­ins sel­ur nú safnið til þess að kaupa sér hús. BBC grein­ir frá.

Son­ur­inn, Matt­hew Rob­son, fædd­ist árið 1992 og í gegn­um öll hans ár á jörðinni hef­ur Pete, faðir Matt­hews, eytt 5.000 pund­um, eða sem nem­ur tæpri millj­ón ís­lenskra króna, í viskí­k­aup fyr­ir son sinn en um er að ræða 28 flösk­ur af Macall­an-malt­viskíi. 

Viskís­afnið er nú virði ríf­lega 40.000 punda, eða sem nem­ur rúm­um sjö millj­ón­um króna. 

Strang­ar leiðbein­ing­ar um að opna ekki flösk­urn­ar

Matt­hew sagði í sam­tali við BBC að viskíflösk­urn­ar væru „lík­lega ekki“ besta gjöf­in fyr­ir ung­an dreng en þeim hefðu fylgt „strang­ar leiðbein­ing­ar um að opna þær aldrei“. 

„Á hverju ein­asta ári fékk ég flösku í af­mæl­is­gjöf,“ sagði Matt­hew. „Mér fannst þetta vera svo­lítið skrýt­in gjöf og ég var aðeins of ung­ur til að byrja að drekka. En flösk­un­um fylgdu strang­ar leiðbein­ing­ar um að opna þær aldrei og mér tókst það svo þær eru all­ar óopnaðar.“

„Ég taldi að það yrði áhuga­vert ef ég keypti eina flösku á hverju af­mæli hans og hann myndi að lok­um enda með 18 flösk­ur á 18 ára af­mæli sínu,“ sagði Pete, faðir Matt­hews, í sam­tali við BBC. 

„Þetta var ekki eina gjöf­in sem við gáf­um hon­um samt. Þetta átti bara að vera sér­stök gjöf en sem bet­ur fer héld­um við þessu áfram.“

Hef­ur nú þegar fengið fyr­ir­spurn­ir

Síðan Pete hóf að gefa syni sín­um viskíið hef­ur Macall­an-viskí orðið að safn­grip. Matt­hew von­ast til að geta selt safnið fyr­ir 40.000 pund og notað pen­ing­inn í út­borg­un í hús. 

„Virði Macall­an-viskís hef­ur vaxið mikið á síðustu fimm til tíu árum,“ sagði Matt­hew. 

Matt­hew sagði að hann hefði nú þegar fengið fyr­ir­spurn­ir um safnið, mest frá mögu­leg­um kaup­end­um í New York og Asíu.

• Blogga um frétt