Yfirvöld í Kaliforníu segja að upptök eins af mörgum skógareldum í ríkinu megi rekja til kynjaveislu, þar sem gestum er greint frá kyni barns.

Reykvél sem var notuð í veislunni varð til þess að eldur braust út í El Dorado sem nú hefur breiðst út á svæði sem nær yfir um sjö þúsund ekrur og er einn af yfir tuttugu skógareldum í Kaliforníu, að sögn BBC. 

Frétt af mbl.is

Lokuðust inni vegna skógarelda

Mikil hitabylgja gengur nú yfir Kaliforníu. Í borginni Los Angeles fór hitinn upp 49,4 gráður á celsíus.

Bandaríska veðurstofan sagði gærdaginn „einn af heitustu dögunum síðan veðurathuganir hófust víðs vegar um suðvesturhluta Kaliforníu“.

Kanína hleypur yfir veginn í Jamul í Kaliforníu á meðan skógareldar geisa. AFP

Í síðasta mánuði mældist 54,4° hiti í Dauðadalnum í ríkinu, sem gæti verið hæsta hitastigið sem hefur mælst í veðurathugunum á jörðinni.

Frétt af mbl.is

Brennandi heitt í Dauðadalnum

Þyrlur björguðu um helgina yfir 200 manns sem lokuðust inni í skógareldum á vinsælu útivistarsvæði við Mammoth Pool-uppistöðulónið. Að minnsta kosti 20 slösuðust, þar af einhverjir sem hlutu brunasár.

Tengdar fréttir

Gróðureldar í Bandaríkjunum 2020

Raforkufyrirtæki ákært fyrir mannskæðan eldsvoða

• „Líður eins og ég sé að kafna“
• Reykurinn teygir sig yfir á austurströndina
• „Þeir sem hafa efni á því fá hreint loft“
• Segir „afneitun“ Trumps ekki virka

» Fleiri tengdar fréttir

• Blogga um frétt