Fransk­ur sótt­varna­lækn­ir, Antoine Fonta­net, ótt­ast að ef nýj­um kór­ónu­veiru­smit­um held­ur áfram að fjölga á svipuðum hraða og nú er geti skap­ast tví­sýnt ástand í nokkr­um héruðum lands­ins í des­em­ber.

Fonta­net seg­ir í sam­tali við LCI (La Chaî­ne Info) að yf­ir­völd verði að grípa til frek­ari sótt­varn­aráðstaf­ana. Síðustu viku hafi nýj­um smit­um fjölgað um 30% og inn­lögn­um á sjúkra­hús fjölgaði um 15%. „Það er betra að bregðast við strax. Því fyrr sem við gríp­um til aðgerða þeim mun minni lík­ur eru á að herða þurfi regl­urn­ar enn frek­ar. Ef við bíðum í 15 daga þá verður þetta harka­legra og var­ir leng­ur,“ seg­ir hann.

Guar­di­an

For­sæt­is­ráðherra Frakk­lands Jean Ca­stex og Freder­ique Vi­dal mennta­málaráðherra gættu vel að fjar­lægðarmörk­um og voru báðir með grím­ur er þeir heim­sóttu Par­is-Saclay há­skól­ann í dag. AFP

Í morg­un var greint frá því að 7.071 nýtt smit hefði verið staðfest síðasta sól­ar­hring­inn. Hlut­fall já­kvæðra sýna hef­ur auk­ist úr 4,3% í 4,9% á einni viku en hlut­fallið var 3,9% í lok ág­úst. 

28 héruð Frakk­lands á meg­in­land­inu eru skráð sem rauð svæði. Heil­brigðisráðherra Frakk­lands, Oli­vier Vér­an, ræðir nú um það við vís­indaráð lands­ins varðandi COVID-19 að létta á regl­um varðandi sótt­kví og ein­angr­un. Tæp­lega helm­ing­ur þeirra sem greind­ust með COVID-19 í liðinni viku er með annaðhvort eng­in sjúk­dóms­ein­kenni eða mjög mild. Mest er aukn­ing smita hjá ald­urs­hópn­um 15-19 ára en 44% nýrra smita eru í þeim ald­urs­hópi.

Alls eru um 4.700 á sjúkra­húsi vegna COVID-19 í Frakklandi og af þeim eru 480 á gjör­gæslu. Meiri­hluti þeirra er á gjör­gæslu­deild­um í Par­ís Île-de-France héraði og Provence-Alpes-Côte d'Az­ur og Hauts-de-France.

Frétt af mbl.is

„Þau hafa misst tök­in á far­aldr­in­um“

Heil­brigðisráðherra Bret­lands, Matt­hew Hancock, seg­ir það ekki rétt að stjórn­völd hafi misst tök­in á út­breiðslu veirunn­ar líkt og haldið var fram í gær. Hann ít­rek­ar aft­ur á móti að það sé nauðsyn­legt að all­ir lands­menn fylgi regl­um varðandi sótt­varn­ir. „Við get­um aðeins gert þetta í sam­starfi alls sam­fé­lags­ins. All­ir hafa þar hlut­verki að gegna.“